Tuesday, November 5, 2013

Zaraa Deen Pay Chal Kay To Daykh!

Aye zindigi kay maenay doonDhnay walay …
Zaraa deen pay chal kay to daykh!


Aye mall kay chakar laganay walay …
Zaraa masjid aa kay to daykh!

 
Aye yoga may sukoon talash karnay walay …
Zaraa sajday may giRgiRa kay to daykh!


Aye cigarette say cigarette sulganay walay …
Zaraa namaz qaim kar kay to daykh!


Aye masghool ayaam guzarnay walay …
Zaraa tahajjud may uTh kay to daykh!



Aye dunya dunya ghoomnay walay …
Zaraa Kaabay ki ziarat kar kay to daykh!



Aye aasaishoN ki zanjeeroN main jakaR kay rahnay walay …
Zaraa jihaad pay nikal kay to daykh!


Aye uloom uloom ka mutalaa karnay walay …
Zaraa Quran ko samaj kay to daykh!



Aye huzn may dubkiyaaN khanay walay …
Zaraa dhikr maiN zubaaN tar kar kay to daykh!
 

Aye soodh pay karzay laynay walay …
Zaraa haath uThaa kay to daykh!



Aye dunya ki masroofiat maiN khonay walay …

Zaraa maaN ko muskura kay to daykh!



Aye Facebook pay ghair friends bananay walay …
Zaraa rishtay jooR kay to daykh!



Aye ghazal kay misray gungunanay walay …
Zaraa shaadi may bandh kay to daykh!



Aye office politics kheylnay walay …

Zaraa kaam may dil laga kay to daykh!

 
Aye falaaN falaaN say jaghaRnay walay …
Zaraa khud ko badal kay to daykh!

 
Aye dunya ki shikayat karnay walay …
Zaraa achi nasiyhat kar kay to daykh!


Aye azyat pay azyat uThanay walay …
Zaraa darguzar kar kay to daykh!


Aye zeest maiN har fashion karnay walay …

Zaraa Sunnat pay chal kay to daykh!

Aye filmoN o diraamoN kay diwanay …
Zaraa Seerat paRh kay to daykh!


Aye mausiqi say luft uThanay walay …
Zaraa tilawat lagaa kay to daykh!



Aye Valentine Day bananay walay …
Zaraa Eid pay galay mil kay to daykh!



Aye degree pay degree jamaa karnay walay …
Zaraa pehlay khud ko samaj kay to daykh!


Aye khwaishoN ki parawi karnay walay ...
Zaraa nafs say laR kay to daykh!


Aye achi aarzoayN karnay walay...
Zaraa aagay baRh kay to daykh!


Aye parayshaN haal honay walay ...
Zaraa gunaahoN say bach kay to daykh!

 
Aye dar ba dar bhaTaknay walay ...
Zaraa simt badal kay to daykh!


Aye apnay liay jeenay walay ...
Zaraa Uskay liay miTT mar kay to daykh!


Aye hadd say tajawuz karnay walay …
Zaraa aaj sachi tawba kar kay to daykh!